Tourenschikurs mit Günter Kletter

vom 09. bis 11.02.1996 / Granatspitzgruppe

Andrea, de Claudia, Kristine und I,

a der Joachim hat Tourenschi.

Aber Ahnung hat von uns koana net,

drum ham ma beim Günter an Kurs belegt.

Am Freitag fahr'n ma nach Österreich nei,

wei' auf der Rudolfshütt'n do soll's sei'.

Der Umgang mit Fell'n war manch'n no nei

und wia schoit' ma grot den „Piepser" ei?

Dann ham ma no Aufstieg und Kickkehre g'übt

und wia ma a brauchbare Spur anlegt.

Glei' nach dem Abendessen no Theorie.

Da hat's im Haus gscheppert, aber wia.

An der Kletterwand hat's machti rumort,

A Routensetzer-Kurs hat Routen ei'bohrt.

Am Samstag war a Übungstour o'gsagt,

Da ham ma uns scho an Berg aufeplagt,

mit Orientierungsübungen, Wetterkunde und so

und wos ma hoit sonst no brauch'n ko.

A Schneeprofil ham ma a o'glegt,

damit ma de „labilen Schicht'n" segt.

Dann versteckt da Günter 's VS-G'rät im Schnee

und mia dürf'n auf „Verschüttetensuche" geh'.

A Pistenraupe hat schließlich bewirkt,

dass des Ganze a bisserl realistisch wird.

Am Vortag hat ma gar net dacht,

daß am Sonntag des Wetter so mitmacht.

Auf oana Tour wurde dann ausprobiert,

ob jeder a wengal was hat kapiert.

Am Gipfel an Schnaps, dann ab durch den Schnee,

nette Leit, danke Günter, es war echt sehe.

Dieter Hartig