Weihnachtsvorbereitungen

(Dieter Hartig / 06-2023)

Weihnacht´ fangt o im Januar.

Da hat ma Zeit a ganzes Jahr

Um da drüber nachzudenga

Was kannt ma denn heier schenga?

Am besten machs´d a EXCEL-List

Damit Du a neamand vergisst.

Und is´ die fertig – wunderbar,

Dann host a Rua bis nächstes Jahr.

Doch kaum host Du des endlich do,

gän´an die Änderungen o.

Im Februar wird´ OANE bohr´n

Im März ist dafür OANER g´storb´n.

Und was is aus dem WOAST SCHO worn?

Homma ganz aus die Aug´n verlor´n.

Du hast in Dei´m Sportverein

Seit April an FREIND, an Nein.

Und seit der dummen Sach im Mai

Is es jetzt mit der SELLN vorbei.

Im Juni hat der ANDER g´sagt,

dass er a neies Hobby hat.

Der Juli is no net zu End,

da hom sich a wieda ZWOA trennt.

Und hast Du des überhaupt g´wußt,

dass DIE wegzog´n is im August?

Und dann is im September no

Der JENE ab nach irgendwo.

Im Oktober unterdessen

Hätt´st die ELTERN fast vergessen.

End´ November is´ so weit.

Du bist zum G´schenkekauf bereit.

Wenn uns dann der Glühweinduft

Zu dem Glühweinstandl ruft.

So am Anfang vom Dezember

Findest Du die List´n nimmer.

Wie Du Di´ do ärgern kunnst.

Sakra, alles war umsunst.